How تصير عربجـي؟؟

كــيـــف تــصـــبــــح عــــربـــجــــي؟؟

العربجة او الصياعة كما عرفها العربجي المخضرم مفتاح عجل في كتابه الممنوع (فنون العربجة تصنع المعجزة) هي انك تكون بايع الدنيا بجنط سيكل يعني تكون ماخذ الدنيا كقطفة دخان وواطي عليها.

طبعا لكي تكون عربجيا محترما لازم تتخذ اجراءات احترازية في حياتك يعني بلغة العربجة لازم تسمكر حياتك من فـوق لـتـحـت.

فالمقوم الاساسي او الخطوه الاولى عشان تدخل في عالم العربجة هو انك لازم تدخن ...
ومو أي دخان لازم يكون ماربورو احمر اما المريت و الكنت فهي دخان للمبزرة وخلك منها لانها ماتدمر الصدر مثل الاحمر.
وخله على طول في جيبك يعني كأنه الجوال حقك كل شوي تطلعه وتاخذ زقارة , وحاول تدخن قدام ناس اصغر منك علشان يقولوا والله هذا قوي ويضحي بحياته في سبيل التدخين ويدخن احمر وتكون قدوة لهم لعالم العربجة.
واذا احد سألك من متى وانت تدخن ؟قله من ايام رابع ابتدائي <== خلك راعي ارانب

اولاً/ حركات السيارات:

*اذا عندك سيارة فخمة ولا ابوك بيشتري لك فياقرا ولا لكزس لاتقبل بغير الهايلكس او الدتسن او الجمس الحوض.
*بالنسبه للأغاني فلا تسمع الا لعزازي او بشير .
*وانت تسوق لاتربط الحزام و تفشلنا ! حاول انك تسوق وانت شبه منسدح يعني لازم تلزق ظهرك بالكرسي و تسند بكتوفك بس وسوق وانت مسوي بأمها ثقه يعني سوق بيد وحده واليد الثانية مطلعها من الدريشة والزقارة برا .
وحاول انك تطيح الموتر يعني بلغة العربجة (ركة الموتر ) وهو انك تنقص عدد اليايات الي في الكفرات الي ورا او انك تحط كيسين سمنت او اربع بلكات ,,, يعني الثقل راح يطيح الموتر
واذا مريت قدام شلة حاول ان تقرص بالسيارة يعني (تفحط بنمرة)

ثانيا/ التفحيط:
حاول انت تتمرس على عملية التفحيط يعني تدرب واتعلم كان عند بيتكم شارع وسيع وحاول ان تكون لك سمعة مابين عمالقة التفحيط هو صحيح انك بتشمع في كم لمبة وكم زبالة ولكن التكرار يعلم الغشمان

ثالثا/ اللبس:
اما من ناحية اللبس فأول ماتفصل لك ثوب اقطع اول زرار من فوق (مو حق الرقبة !!! الي تحته ) علشان تبين شعر صدرك والبس شماغ من غير عقال ودق بنت البكار او طق اللطمة
والبس نعال زبيرية واذا مشيت خل نعالك تحك في الارض يعني لاترفع رجلك

رابعا/ المدرسة:
اذا كنت تدرس لا تلبس شنطة ظهر , رح المدرسة ومعك كم كتاب يعني سوي بأمها عندك محاضرة وباقي الكتب خلهم في درج الطاولة
واجلس في زاويه الفصل وحط رجل على رجل ولا سألك المدرس :هذي جلسة ؟ قل له: لا نسخه اصلية.

خامسا/ وقت السوالف:
لاجيت تسولف خلك واثق من نفسك وسوي بأمها انك فاهم في كل الاشياء (سمكرة , ميكانيكا , بواجي ,عبث في السيارة , ومن هذا القبيل)
يعني اخترع سوالف من دمجتك انك طقيت اربع خوال وانت بلحالك<== داري ماعندك ماعند جدتي
وانك مره هزأت عسكري في نقطة تفتيش <== مع اني داري ان العسكري فرك بوجهك القاع
وانك مره نحشت من الهيئة <== اغسل وجهي كانهم مابقسوك!

سادسا/ قسم الشرطة:
بس لاتوهق روحك هذي مافيها نفحة اقسم بالله تاكلها ست اشهور ابو زعبل

سابعا/ المغازل:
لاجيت تغازل سو روحك كن ابوك الوليد وعندك فياجرا وكل يوم هندي يغسله
وانك ماتخاف من احد <== انا اشهد ان اول كف من الهيئة بيسنعه
اذا صادفت بنت وودك تتحرش قل: الشفر للبيع !

ثامنا/ عند المخبز:
انصحك انك ماتسوي بأمها عنتر لان الافغاني بيخبز وجهك كانك رفعت صوتك عليه

تاسعا: لاجيت بتطاق
انا داري انك راح تتصفق بس لاتقول لأحد او اقلب السالفة قل انه ماجاك شي ابد

اهداف الموضوع:
هي :
1/اننا نحصل على جيل عرابجه ناضج
2/اننا نقدر نلاقي اللي يزبننا اذا سوينا جريه وما الى ذلك من هذا القبيل ههههههههههههههههههههآآي
How تصير عربجـي؟؟ 899608

صحيح انك بتشمع في كم لمبة وكم زبالة ولكن التكرار يعلم الغشمان

صحيح ا نك عربجيه بس من نوع العملاقه الذين سوف يخلد التاريخ ذكرهم خخخخخخخخخخخخخخ
</li>
خخخخخخخخخخخخخخخخخخخخخخخخخخخخخ
</li>
حلووووه يعطيك الف عافيه

ههههههههههههههه
يسلمو على الدرس الخصووصي بس مشكله مايصلح لنى هههههههه
تقبلي مرووري

هههههههههههههههههههههه
يسلمممممممممموإ عربجيه وتقبلي مروري How تصير عربجـي؟؟ 899608

هههههههههههههههههههههههههههههههه يسسآــمو بسس مـ يصلح لنــآ يآ حبنــي عآــى جنب اصصفطي مع عربجيه هع هع How تصير عربجـي؟؟ 336828

نتظظر ابداعك يآعسسسل How تصير عربجـي؟؟ 937325

الله يسسلمكـم جمميعآ،ومشششكورين ع المرروور
وأهلآ بكـل ألعرابجـه والعربجيات وحيآكـم بعالمممي العربجـي حيث المتعـه والتسسليه والتكفيخ والتشمميع هع هع هع
How تصير عربجـي؟؟ 899608