رمز الصــــــدااقه وعــــــــدم الـــــــوووفــآآء

السلام عليكم ورحمة الله وبركاته
مساء الخير حبــــآآآآآآآآيبي
اتمنى تكوونون بالف صحه وعافيه

موضوعي اليوم من اول مافكرت فيه حبيت يكون من القلب للقلب بدون تكلف او سجع بالكلام وغيره

((الصـــــداقـــه))

كلنا نعرف اهمية الصديق بحياة اي شخص منا ومتسحيل الانسان يعيش بلا صداقات
ونعرف الاهتمام والحرص بالصديق والسؤال الداائم عنه
لدرجة الكثير منا يسمي الصديق بـ ((روحي الثانيه)) او ((روح جمعها جسدين))

لكن!

في حالة الزعل او في حالة خزة الخاطر من الصديق كيف نتعامل معه؟؟
كيف نتصرف مع الصديق؟؟
وبأي طريقه نتعامل معه؟؟

الملاحظ بمجرد الزعل او تصرف نبدأ فيه التطنيش وعدم الاهتمام واللامبالاة
كل هذا عشان تعتذر الصديقه من تصرف بدر منها بشكل خاطئ غير مقصود او حتى تاخذ دررس ويكون عظه لها وماتكرر هالشئ مره ثانيه
وتقطع الصديقه بالثانيه يوم ويومين واكثررر كله عشان تتأدب

وحتى لو صار وجت وحده واشتكت لبنت ثانيه عن صديقتها وانه صار بينهم زعل واقطعت فيها وتبي حل يرجعهم لبعض والمسكينه مابقى شئ ماسوته عشان ترضى كل هذا بسبب غلاتها وماتبي يكون بينهم مشاكل
تكون نصيحة البنت الثانيه طنشيها احقريها ترسل لاتريدن عليها تكلم ردي بعد وقت طوويل وتعاملي معها برررود

وغيرها تقول عطيها العين الحمرراء

وغيره وغيره من النصائح اللي كله تعتمد على التنطيش والحقران

ليش هذا كله؟؟؟

موبيوم جيتي وشكيتي لها همك وخففت عنك؟؟

مو بيوم كنتي متضايقه وقعدت تسولف معك وتضحكك وتغير جوك عشان تبعد الضيقه والطفش عنك؟؟

ماجت ايام كنتي تعتبرينها الاسوء بحياتك بس وقفت معك ماتركتك

مرضتي تسئل عنك بالدقيقه والثانيه وكل ماخذت اتصلت تتطمن عليك اكثرر

سافرتي تنتظر منك خبر انك وصلتي بالسلامه عشان تتطمن على صديقتها

ادق ادق تفاصيل حياتك لو هي تااافهه مو ذيك الاهميه هي تهتم لها وتسئل عنها لانك صديقتها

وبكل سهوله بسبب زعل بسيط او زعله او تصرف بدون قصد وحتى لو بقصد تصير كل هالسالفه؟؟

وكل هالحقراان

انا بس ابي نبدا نتعامل مع صديقاتنا بشكل ارقى
بشكل افضل

غلطت اوك قولي لها يافلانه صار كذا وكذا وضايقني شئ طبيعي رح تعتذر خلاص اعتذارها بحد ذاته يكفي مو شرط الا تسوين لها مجلس تأديبي من وجهة نظرك كل وحده غلطت لازم تسوينه لها وماتنظرين لهالشخص من يكون

تصرفك ماعجبك قولي ماعجبني يافلانه هالتصرف منك

فيه كذا طريقه وطريقه نتعامل فيها مع اخطأ اصدقائنا بس بصورة افضل بصورة ارقى

ليش نخلي للشيطان مدخل بينا؟
ليش نخليه يفرررح بهالشئ

نسينا ان دينا دين تسامح دين غفران دين البساطه
العبد اذا اذنب واستغفر ربه ربي سبحانه يغفرله ان شاء كيف احنا بشر مانرضى نغفر او نسامح؟؟
نسينا حديث النبي صلى الله عليه وسلم: ((لا يحل لمسلم أن يهجر أخاه فوق ثلاث ليال يلتقيان فيعرض هذا ويعرض هذا وخيرهما الذي يبدأ بالسلام))

وايضا" حديث النبي عليه الصلاة والسلام : ((تعرض الأعمال في

كل اثنين وخميس فيغفر الله لكل امرئ لا يشرك بالله شيئا ًإلا امرءاً كانت بينه وبين أخيه شحناء
فيقول : اتركوا هذين حتى يصطلحا))

يعني لو ننظر لمعنى الحديث انتي تعملي صالحات وتعبدي ربي وتحاولي تتجنبي المعاصي كله لاجل ربي يقبل اعمالك

وممكن الاغلبيه تقول ابي اصوم الاثنين والخميس عشان اكون صائمه عندماا تعرض اعمالي على الله كما كان يفعل الرسول عليه الصلاة والسلام لكن نست ان تصرفها مع صديقتها هو سبب عدم عرض اعمالها على الله

وقيسو عليها اموور كثير اللي تقطع بالشهر والشهرين واللي بشكل نهااائي

وغيره وغيره مو شرط الا الصديقه ممكن بين الاخوات بين الاقارب

بس انا خصصت الصداقه بسبب كثرة ماشوف من هالامر

هذا اللي كان نفسي اقوله من ايام وافكر فيه

اتمنى تكون وصلت الفكره اللي اطمح لها

وشكرا" لكل من قرأت احرفي وكلماتي

لكم ودي
جـــــــــــوودي
منقــــــــوول للفاائده