| بين الرجاوي والعتب قفلة الباب | |
| | وش عاد لو ضاقت علي الوسيعه |
| الحب طعمه في مشاريه وعتاب | |
| | وألا الجفا لكن حشا يالقطيعه |
| اللي نتايجها على الخد سكاب | |
| | أنا أشهد أنه بالمحبه فجيعه |
| ألا أنت ياللي لك معزه وترحاب | |
| | والله مانرضى عليك الهزيعه |
| بيني وبينك حب وطبوع وآداب | |
| | ولك منزل فوق النجوم الرفيعه |
| مادام طيفي منطوي تحت الأهداب | |
| | قلبي لها رهن الأشاره يطيعه |
| حبك مجنب بي عن الغيد مجناب | |
| | قلبي معك بين المحاني وديعه |
| أنتي دوا قلبن من الوقت منصاب | |
| | وأنتي سرور القلب وأنتي ربيعه |
| وأنتي دوا جرحن مع الوقت ماطاب | |
| | ياأم العيون الفاتنات الوسيعه |
| شوقي تعدى الوصف ياسيد الأحباب | |
| | الوقت يسرق والمنايا سريعه |
| كلش مقدر نفعل اليوم الأسباب | |
| | لو كنت طالب حاجة ماأستطيعه |
| كله فدى عينك ولا عضة الناب | |
| | مدام حبك صاير لي شريعه |
| أن غبت صارت دنيتي كله أجناب | |
| | وأن جيت تزهر بالوصال الطبيعه |
| يانجمة تلمع على دار الأغراب | |
| | وأن غيمت ماعاد تلمح لميعه |
| نرقا على وضح النقا كل مرقاب | |
| | واللي يبينا عمرنا مانبيعه |
| لو كان يحصل بالهوى بعض الأنشاب | |
| | والمذهب الصافي يعاف الخديعه |
| يادنيتي بعض المواقيف غصاب | |
| | عل وعسى نفسك علينا شفيعه |
| أن جيت أعلل خافقي يالغضي ذاب | |
| | ذايب وتحمكنا سلومن منيعه |
| وأن جيت أدور خافقي يالغضي غاب | |
| | ضايع وأظنه يالغلا بالبديعه |
| أجمل طعم بالحب شرهات وعتاب | |
| | وكلش يهون ألا الجفا والقطيعه |
الخميس مارس 28, 2013 1:34 pm من طرف 
