أنا آسف ومتأسف لأني كنت مغرم فيك
أعاتب قلبي الحساس لأنه ماعرف يختار
صحيح اني أحبك بس عقب اليوم أنا مابيك
أنا مابيك دامك شخص خاين حبي وغدار
عزيز النفس مايخضع لحبك لا ولابرجيك
عنيد وماأحب الذل مهما كانت الأقدار
بعد هااليوم لاتسأل تراني شخص لايعنيك
ولاتعنيلي وبنساك خل الحب للتذكار
تفضل وابتعد لاعاد تطريني ولابطريك
واذا باقي عذر مابيه مابي زايف الأعذار
خطاي اني وفيت بقلب صادق يحبك ويغليك
وخطاك انك نسيت ان الزمن ياظالمي دوااار
يجيلك يوم وبتندم على همك وهو يشكيك
مصيرك للرجوع تذل نفسك والدموع كثااار
ولكن لو رجعت وقلت ان فراقنا يشقيك
تأكد هاالعناوين القديمه ماتجيب أخبار
أبطوي صفحة الماضي وبطفي نوري وبطفيك
كأنا ماعرفنا الحب كأنه ماحصل أو صار
من بد كل الخلق ودي بفرقاك
وبكل عزة نفس مابيك مابيك
كان الزمان في يوم أبلشني وياك
علي يحرم من خداعك مماشيك
خلاص بعد اليوم عزمت ابنساك
غلطة زماني يوم بالروح أناديك
العام يوم إني أناديك أهواك
العام نفس اليوم لحظه! أناديك
هاك الرسايل والصور والهجر هاك
لا ماتوافق خطوتي مع خطاويك
فارقني وافهم كلمتي!! قلت مابغاك
على دروبي شالله اليوم حاديك
فرحي أحسه في حياتي بلياك
بريال لو تنباع والله!! ماشريك
ذكراك ماتت والبقى بيوم جفواك
ودي أنا مما أذوقه لو أسقيك
الغلطة مني ليش مفعل سواياك
وآخذ بثاري قبل انا أخليك
وكم لك اقول العيد محلى جمعاك
كم لك أقول اليوم محلى تجافيك
تهددني بتتركني توّكل ما أبي طاريك
تراني عفت اسلوبك وعفتك قبل اسلوبك
\\
انا ماني بتابع لك وكل همه يجي يرضيك
أنا سيد لأسيادك وفارس رغم عذروبك
//
تراني يوم أقوول آسف تحسبني بعد أبغيك
تمهل واسمع الباقي وخل الناس يدرو بك
\\
إذا كان الوفا في الحب تجرحني وذا يرضيك
دخيلك ظف لي وجهك ترى قلبي مهو بصوبك
//
أنا لا جبت طاري الحب نطق قلبي وهو شاريك
حرام الّي تسوينه أنا ثوبي مهو بثوبك
\\
أقابل حبك الجافي بحبٍ صادقٍ يرويك
أشوف الزيف في ضحكك وأجامل واستر اعيوبك
//
تحملت الخطأ منك كتمته ما أبي أشقيك
صبرت وقلت يتغيّر معا الأيام محسوبك
\\
عطيتك قلبي الغالي رجع لي باكيٍ يشكيك
يقول أوفيت انا وياه ... طعني ...صار يلهوبك
//
خذيت القلب ضمدته ....صرخت ...علّتي هي فيك
تشوف الناس تجرحنا وتسمح من لفا صوبك
\\
أبيك اتوب يا قلبي ترا هالحب هو يفنيك
أبيك اتوب من عالم تخادع تروي إذنوبك
//
كفايه ما تحملنا ..كفايه دمعتي تكفيك
كفايه من مآسينا ...كفايه غير ادروبك
\\
كفايه لا تعذبني ...كفايه ما بها تشكيك
كفايه صادقه مني ولك انسان يسمو بك
//
كثير الّي تمنوني أكابر واعلن التفكيك
أقول .. ( القلب ) ..هو غالي ولا انته قد مطلوبك
\\
حسافه عشرتي ويّاك ..حسافه كنت في ماضيك
حسافه بختم الأبيات ..وبفرح لحظة إغروبك
*مّآ أ إ بيڪ مّتهـۈَر / ۈَقـآ أ إ ڛي / ۈَ نڛّـآأ إ ي *
ڪنکُ‘ علىُ أۈَل غلطۃَ [ تـכــتريـني]
ۈَڶآني‘ّ –( بـכــآجـه)-- بمّن يذڪـَـرنيُ بـ خطـآ أ إ ي !
أدريُ‘ بهآ " أڪـثـرّ " مّن أص‘ـَآأ إبع يديـنيُ‘
----{ مّـכــتـآج قلبٍ آڪـَــبـر مّن خطآأ إيـآأ إي *
يغفـر جمّيع ذنـۈَبي }--
[ ۈَ يـכــتۈَيـني ]
أي محبه وأي عشره وأي حنان؟؟
وأي شوق اللي أنت تتكلم عليه؟؟
يعني واثق إن باقي لك مكان؟؟
وإن قلبي يرد لو ترتجيه؟؟
قلبي اللي غلطته حبك وصان
لو يصافح قلبك كنت اقطع له ايديه
أي محبه بعد ما فات الأوان؟؟
أي حنان اللي تبي تعوضني فيه؟؟
وين كنت يوم أنا احتجت لك زمان؟؟
وين حبك يوم أنا ميت عليك؟؟
روح للي لأجله بعت الحب زمان
بس لا تنسى تسلم لي عليه!!!
قطعت الوصل يا شاطر
قوي القلب تعجبني
تحسب اني انا ناطر
وشوقي لك معذبني
وانا ماهزني هاجر
ولعب العيال ضحكني
ولكن خلك الصابر
وعلى فرقاك عودني
عشان انساك في الآخر
ومثلك ترى ما يشرفني
الخميس مارس 28, 2013 1:34 pm من طرف 
